Alamdang Sunmang

A hizolo ding ‘thute’ a hizo dingin ngaihsun leng,
A kido zolo ding ‘gal’ dozawh ding sawm leng,
Mikim’ thuaklah ‘haksatna’, thuakzawh ding sawm leng,
A siangtho ‘ki-itna’ leh ‘gamtatna’ nuntaakpih leng,
Mikim’ lamet ‘pahtawina’ ihngah ding tuate’ hangin.

‘Minphatna’ leh ‘gualzawhna’, ih sulzuih den ding kisam,
‘Lampi’ sau in gim mah leng, lungneu’ hetloh ding kisam,
‘A kung’ dong ihtu’n na ding, phunlo khawllo mainawtleng,
‘Gualzawh’ nading vangletna’n, hongzuih lam theitel thei leng,
‘Lungnopna’ leh ‘daihna’ tawh tawldamna ih ngah ta ding.

Ih teena hih ‘leitung’ zongh, et in honglawm zota ding,
‘Nenniamna’ leh ‘bawlsiatna’, a thuakcip mikhat in zongh,
Ngahzo ta ding ‘pahtawina’, mikim’ lung gulh tua zawhna,
A ‘hihtheih tawpna’ dong tawh, a hanciamna thaman dingin.

‘Gualzawh minphat pahtawina’, sulzuih tawntung ni!
‘Lametna-abei’ zongin, lunghia’n ding ngaihsun kei ni!
‘Lampi asau’ ha’ng zong ee, phamawh ngaihsut tuankei ni!
‘Phunlo khawllo’ atawp dong, mainawt in kalsuan suak ni!
‘A hizolo’ thute mah, ‘hih zawh na’ng’ sunmang ihnei!

Don Quiote 

The Impossible Dream