Tuun-nu’Zogam

Zogam

Zosuan zomi tuan a pupa’ zotual lenna, zogamnuam-mah nun in nuam sang ee…
Mual-le guamte asang aniam kisung dimdiam ee, tuun-nu’ zogam et in lawmna ee…
Nim dildial in lungnop huailua ee, zu le va zongh liibang cingin nuamsa ee…
Tuun-nu’ zogam nun in-nuam na ee, neek le dawn ding an le tui liibang cing ee…
Mimza taangza-ai lingling uh ee, tualsuak zozu hawm liailiai-in itna khaubang suutuh ee…
Nopna dahna ki puakpih uh ee, itna masuan pupa’ nunzia ngaih ngimnam na ee…

Vabang apil siamsin momno meiibang khang ee, Sianmang’ melma daibang theutah ee… Pupa’ patsa itna ngaihna tuibangin kiam ee, Sianmang’deihna ngobang langhlah ee… Sianvontawi te’n zogam zuunlah ee, munci teng ah vabang leensan lai uh ee…
Zuun lah zogam lobang tulta ee, singbang keu in lungzuan khuangaih huai lua ee…
Zuu le va’n zongh lungngai ta ee, pupa’ zogam tual in khia in vabang leensan ta uh ee… A dumdildial mualkuam tezong ee, keu ngiungeu in gilkial dangtaak ngimnam zo ee…
Tuun-nu’ zogam gilkial dangtaak ngimnam khin ee, von aneilo meigong nu bang ee…
Tuun-nu luankhi tawh ki dimin vulningniang ta ee, anul ding vonte a ngak hi ee…

Vonte’n lah tuun-nu melbang ma ee, sing-gamlei ah zaitha thehthang san lai ee…
Tuun-nu lakmai zeebangzum ta ee, guallai ah a vonte’n tawisang lah sa ee…
Tuun-nu’ anglum thebang hawmta ee, a vonte mubangngai-in sawlbangvul khakham veilawh ee…
Tuun-nu’ kahna aw ging semsem ee, a tulsa na tuu’n saulim hongzuun aw ci ee…

Ih zogam tuun-nu’ luankhianul ding nang mah-hi cia…
A Tulsa tuun-nu’ zogam a zuun ding nang mah-hi cia..
Pupa’ patsa ki-itna -a kem ding nang mah-hi cia...
Pu pa’ neihsa cihtakna -a nei ding nang mah-hi cia…
Etlawm mualkuam zogam nuam a phut ding nang mah-hi cia…
Singkung lopa zuu leh va-ait ding nang mah-hi cia…
Sian hong piak ih zogam lei zo vontawi lia leh tang te’n, zuun kei leeng kuan zuun mawk ding…