𝗖𝗢𝗩𝗜𝗗-𝟭𝟵 𝗟𝘂𝗻𝗴𝗻𝗼 𝗮 𝗸𝗶𝗸𝗵𝗮𝘄𝗶 𝗺𝗮𝘄, 𝗮𝗵𝗶𝗵 𝗸𝗲𝗵 𝗸𝗼𝗶𝗽𝗮𝗻 𝗵𝗼𝗻𝗴 𝗽𝗶𝗮𝗻𝗴?

𝑨 𝑲𝒊𝒌𝒉𝒂𝒘𝒊 𝒅𝒊𝒏𝒈𝒊𝒏 𝒖𝒑𝒏𝒂:
Tulai pulnatna (COVID-19) tawh kisai, tu dongciang muhna tuamtuam anei ki om gige lai hi. Tua sungah hih lungno pen Sente in a khawi uh ahih keileh dat (chemical) tuamtuam abawlna lam pan un apiang hi ding hi ci-in a um pawlkhat ki om hi. Tua bangin a umte a dingin thu nih om hi. Khatna-ah: tua coronavirus (COVID-19) icih, SARS-CoV-2 pen Wuhan a om Lungno tawh kisai kattelna mun (Wuhan Institute of Virology) ah a om lungnote sungpan hong kipan lungno namkhat hi cih upna leh; a nihna ah, hih lungno pen Sente in nuntakna nei galvan (Bio Weapon) dinga tua lungno kattelna mun ah a khawina lam uh pan, sepkhialhna khat hangin, lawhcing lo in hi bangin hong ki zelh khia gawp hi ding hi cih upnate ahi hi.

Hih upnate a kipatkhiat cilna pen, January kha-a The Washington Times ah thului kigelh khat pan hong kipan ahi hi. Tua thului gelh pa pen, nainggangyi siam Bill Gertz hi aa, a thului sungah “𝘏𝘪𝘩 𝘊𝘖𝘝𝘐𝘋-19 𝘱𝘦𝘯 𝘚𝘦𝘯𝘵𝘦 𝘪𝘯 𝘨𝘢𝘭𝘷𝘢𝘯 𝘥𝘪𝘯𝘨𝘢 𝘭𝘶𝘯𝘨𝘯𝘰 𝘢 𝘬𝘩𝘢𝘸𝘪𝘯𝘢 𝘭𝘢𝘮𝘱𝘢𝘯 𝘢 𝘬𝘪𝘱𝘢𝘯 𝘩𝘪 𝘢𝘢, 𝘮𝘪𝘬𝘢𝘯𝘨𝘵𝘦 𝘵𝘩𝘶𝘬𝘢𝘯 𝘨𝘢𝘭𝘬𝘢𝘱𝘣𝘶 𝘭𝘶𝘪 𝘬𝘩𝘢𝘵 𝘻𝘰𝘯𝘨𝘩 𝘵𝘶𝘢 𝘭𝘶𝘯𝘨𝘯𝘰 𝘬𝘩𝘢𝘸𝘪𝘯𝘢 𝘵𝘢𝘸𝘩 𝘬𝘪𝘻𝘰𝘮 𝘥𝘪𝘯𝘨𝘪𝘯 𝘭𝘢𝘮𝘦𝘵 𝘩𝘶𝘢𝘪 𝘩𝘪.” Ci-in gelh hi. USA Today in March 22 ni a thusuahna sunguah, 𝘩𝘪𝘩 𝘵𝘩𝘶 𝘵𝘢𝘸𝘩 𝘬𝘪𝘴𝘢𝘪 𝘵𝘩𝘶𝘭𝘶𝘪 𝘨𝘦𝘭𝘩𝘱𝘢 𝘤𝘰𝘯𝘵𝘢𝘤𝘵 𝘪𝘯, 𝘵𝘶𝘢-𝘢 𝘵𝘩𝘶𝘭𝘶𝘪 𝘵𝘢𝘸𝘩 𝘬𝘪𝘴𝘢𝘪 𝘤𝘰𝘮𝘮𝘦𝘯𝘵 𝘩𝘰𝘯𝘨 𝘱𝘪𝘢𝘬 𝘯𝘢 𝘥𝘪𝘯𝘨 𝘬𝘢 𝘻𝘢𝘬𝘴𝘢𝘬 𝘯𝘪𝘭𝘰𝘩 𝘶𝘩 𝘩𝘢𝘯𝘨𝘪𝘯 𝘣𝘢𝘯𝘨𝘮𝘢𝘩 𝘩𝘰𝘯𝘨 𝘥𝘢𝘸𝘯𝘨𝘬𝘪𝘬 𝘭𝘰 𝘩𝘪, ci-in gelh uh hi. Tu in ahih leh tua thului The Washington Times pan ki phiat khiat sak kik khinta hi. Tua dung zui-in, Nainggangyi siam khat mah ahi Sen. Tom Cotton (R-AR) in zongh hih virus pen Lungno khawina/bawlna/kattelna tawh kizom ding hi ci-in Fox News ah gen ngei hi. New York Post ah Sente’ milip khantohna tawh kisai etcikna panmun ala Steven Mosher in zongh tua bangh mah cileuleu hi.

A tunga tawh kizawitawnin, Sente’ online media tuamtuam ah zongh ngaihsutna tuamtuam laang hi. The South China Morning Post ah February 20 ni hi bangin thusuak hi. “𝘞𝘶𝘩𝘢𝘯 𝘐𝘯𝘴𝘵𝘪𝘵𝘶𝘵𝘦 𝘰𝘧 𝘝𝘪𝘳𝘰𝘭𝘰𝘨𝘺 𝘢𝘩 𝘯𝘢 𝘴𝘦𝘮 𝘊𝘩𝘦𝘯 𝘘𝘶𝘢𝘯𝘫𝘪𝘢𝘰 𝘪𝘯 𝘢 𝘯𝘢𝘴𝘦𝘱𝘯𝘢 𝘷𝘶𝘢𝘩 𝘢 𝘮𝘢𝘬𝘢𝘪 𝘞𝘢𝘯𝘨 𝘠𝘢𝘯𝘺𝘪-𝘪𝘯, 𝘭𝘶𝘯𝘨𝘯𝘰𝘵𝘦 𝘴𝘦𝘢𝘧𝘰𝘰𝘥 𝘴𝘢𝘪𝘵𝘦 𝘢𝘩 𝘻𝘶𝘢𝘬 𝘴𝘪𝘮𝘪𝘯, 𝘵𝘶𝘢 𝘮𝘶𝘯 𝘱𝘢𝘯 𝘩𝘪𝘣𝘢𝘯𝘨 𝘵𝘩𝘶 (𝘵𝘶𝘭𝘢𝘪 𝘯𝘢𝘵𝘯𝘢) 𝘵𝘢𝘸𝘩 𝘢 𝘬𝘪𝘻𝘰𝘮𝘵𝘰 𝘩𝘪 𝘤𝘪-𝘪𝘯 𝘨𝘦𝘯, 𝘤𝘪𝘩 𝘵𝘩𝘶 𝘬𝘪𝘻𝘢-𝘢𝘩𝘪𝘩 𝘮𝘢𝘯𝘪𝘯, 𝘛𝘩𝘦 𝘚𝘰𝘶𝘵𝘩 𝘊𝘩𝘪𝘯𝘢 𝘔𝘰𝘳𝘯𝘪𝘯𝘨 𝘗𝘰𝘴𝘵 𝘱𝘢𝘯 𝘥𝘰𝘵𝘯𝘢 𝘬𝘢 𝘷𝘢𝘯𝘦𝘪𝘩 𝘶𝘩 𝘩𝘢𝘯𝘨𝘪𝘯, 𝘊𝘩𝘦𝘯 𝘪𝘯 𝘴𝘢𝘯𝘨 𝘵𝘩𝘦𝘪𝘭𝘰 𝘪𝘯 𝘩𝘦𝘩 𝘩𝘪.” Ci-in kigelh hi.

Hih a tunga teng pen tu a pulnatna lungno, a kikhawi dingin upna hi aa, naingnganyi siamte tung panin hong kipan ahih lam a tungah ih mu hi.

𝑨 𝑲𝒊𝒌𝒉𝒂𝒘𝒊 𝒉𝒊𝒍𝒐 𝒂𝒄𝒊 𝒑𝒂𝒘𝒍:
Hih lungno pen a kibawl tawm lungno ahih keileh chemical tuamtuam pan a, hong piang tawm lungno hilo in, a om ngiat, tabawah ngiat hi aci mi pawlkhat om leuleu hi.

The Washington Post tawh holimna-ah Professor Richard Ebrigh (Rutgers University, Chemical Biology) in, “𝘵𝘶𝘢 𝘭𝘶𝘯𝘨𝘯𝘰 (𝘷𝘪𝘳𝘶𝘴) 𝘪𝘪 𝘨𝘦𝘯𝘰𝘮𝘦 𝘭𝘦𝘩 𝘢 𝘴𝘶𝘯𝘨𝘢 𝘰𝘮𝘵𝘦 𝘬𝘢𝘵𝘵𝘦𝘭𝘯𝘢 𝘥𝘶𝘯𝘨 𝘻𝘶𝘪-𝘪𝘯, 𝘵𝘶𝘢 𝘭𝘶𝘯𝘨𝘯𝘰 𝘱𝘦𝘯 𝘢 𝘬𝘪𝘣𝘢𝘸𝘭𝘵𝘢𝘸𝘮 (𝘦𝘯𝘨𝘪𝘯𝘦𝘦𝘳𝘦𝘥) 𝘩𝘪 𝘥𝘪𝘯𝘨𝘪𝘯 𝘶𝘱 𝘵𝘩𝘦𝘪𝘩𝘯𝘢 𝘥𝘪𝘯𝘨 𝘰𝘮 𝘬𝘪𝘭𝘬𝘦𝘭𝘭𝘰 𝘩𝘪” ci hi. Tua mah bangin professor Gerald Keusch (Medicine and international health and associate director of Boston University’s National Emerging Infectious Diseases Laboratories) in zongh “𝘮𝘪𝘩𝘪𝘯𝘨𝘵𝘦’ 𝘣𝘢𝘸𝘭𝘵𝘢𝘸𝘮 𝘩𝘪𝘭𝘦𝘩 𝘵𝘶𝘢 𝘝𝘪𝘳𝘶𝘴 𝘪𝘪 𝘙𝘕𝘈 𝘴𝘦𝘲𝘶𝘦𝘯𝘤𝘦 𝘱𝘦𝘯 𝘢 𝘵𝘩𝘢𝘬 𝘩𝘪 𝘵𝘩𝘦𝘪𝘭𝘰 𝘩𝘪.” Ci-in Vox ah gen hi. Tua dung zui-in, nate’ thu lamsang pilna nei kantel pawl (Scientist/Researchers) te in hih Virus tawh kisai a kattelna masa uh kong post ngei hi (himun pan kisim thei ding: https://web.facebook.com/khaikokguite/posts/3334204956605964). Tua sungah zong mihingte’ bawltawm ding dan hitheilo ahihna kimu thei hi.

Science Daily in hih virus genome (gene: RNA) a ki sittelna tung tawnin mihing bawltawm hilo aa, a om ngiat Virus ahih na 96% muanhuai ahih manin, mihing bawltawm ahih keileh Sente’ khawi hi cih tawh kisai thusuah khat peuhpeuh sang nawnlo ahihna thu gelh hi. Leitungah nate’ thu tawh kisai thumaan thutak kat-telna-ah a minthang mahmah ahi Nature Research Journal (IF 43.070) ah zong, hih virus pen ganhing sungah (gentehna: Baak, Kala-oh) a omngiat ahih lam na suah hi. Tua mah bangin, The Lancet ah zongh hih natna aneite’ tung lianpan a lungno lakhia ngiatin kattelna-a kibawlna dung zui-in, hih virus pen Baak tung pan hong kilawh hi ding cih uphuai mahmah ahihna thu kigelh hi.

Hih muhna tawh a kinai mahmah, muhna tuamtuam Science tawh kisai Research Journal tuamtuamte ah mipilte in a suah khiat uh a vum avai-in sim theih ding om khinta hi. Tua muh khiatnate mah bulphuh in hih lungno thahna ding zatui a kibawl bawl ahi hi.

𝑲𝒐𝒊 𝒉𝒊𝒛𝒂𝒘 𝒅𝒊𝒏𝒈?
Tua ahih leh koizaw maan/dik ding? Sente in hih lungno a kawi uh mah hi ding maw? Ahih keileh, hih lungno pen ganhing tung pan hong kilawh hi ding?

Sente’ khawi hiding cih upna pen Naingganyi siamte upmawhna hi aa, kattelna kihello hi. A diakin USA leh Chinate pen Ak le Gul a bangh uh ahi hi. Ki kihtalo, kilaulo tuak uh thamlo in, tua zah pi-in zong ki awlmawh khollo tuak uh hi. Tua kawmkal ah Sente’ kiang panin hih natna hong kipat ciangin, USA lam aa nainggangyi siamte in a tuamtuam a upmawh uh zong ahi thei ding mah ahi hi. Thamloh in, Wuhan Institute of Virology a kici, amuanhuai mahmah lungno tawh kisai kattelna pen Wuhan ah 2018 kum a kihong hi-in, tulai natna Wuhan pan hong kipat citciat ciang upmawh theih ding tak khat hong suak hi. Thamloh in, Sente’ social media aa, thuleeng pawlkhat akhahte in zongh a kikhawi hi ding cihlam in lai gelh uh hi. Ahi zong, tuate a tamzaw pen Hong Kong lam leh Taiwan lampan hi uh aa, Mainland China a kici, PR China, ci-in Communism a bulphut-te tawh a kilemlote pawl hituak pha deuh hi.

Naingngangyi siamte in Sente' khawi hi a cih laitak uh, tua lungno (Virus) ngiat kattelna abawl mipilte in ahih leh a tunga upmawhna thu leh tua lungno kisai sa hiaulo uh hi. 1980’ kiim pekin hih Coronavirus te ganhing sungah a om ahih lam mipilte in a kantel khinta uh hi aa, tua virus te Mutation a kici DNA/RNA replication ahi ding bangin apian loh tak ciangin ganhing tung pan tua Mutated gene te mihingte’ tungah hong lut thei ahih na zong a kikipsak khin ahi hi.

𝑩𝒂𝒏𝒈𝒃𝒂𝒏𝒈 𝒂𝒉𝒊 𝒛𝒐𝒏𝒈𝒊𝒏;
Bangbang ahi zongin, tu in ahih leh USA Today, Vox leh Thuthang minthang tuamtuamte in, Sente’ lungno khawi hi, cih tawh kisai pen thumaanlo, zuau thu hi ci-in, tangko kik-kik ta uh hi. Mipilte’ katkhiatna mah in na zozaw phot suak hi. Tua-ahih manin, bangbang hita leh, hih virus tawh kisai pen 𝗖𝗵𝗶𝗻𝗮 𝗠𝗮𝗱𝗲, ahih keileh 𝗠𝗮𝗱𝗲 𝗶𝗻 𝗖𝗵𝗶𝗻𝗮 cih peuh bang peuh mawk ciakciak ding leh Sente peuh mawhsak in muhdah ding hilo hi. Mawhsakna in bang mah phattuamna piangsak ngeilo hi. Amau kiang pan hih natna a kipat sese pen amau a kamsia hi aa, eikiang pan hong kipat loh pen ih lungdam ding hizaw hi.

Bangbang hita leh hih natna in eite zongh hong huzap khinta suak ahih manin, a hithei tawpin kidawmin, kikep ding a thupi pen hong hizaw ta hi.

Etkak:
1. Nature, Volume 579, Issue 3
2. Nature Medicine, Volume 26, Issue 3
3. The Lancet, Volume 395, Issue 10224
4. USA Today, March 22, 2020
5. Vox, March 12, 2020
6. The South China Morning Post, February 20, 2020

Read More