Kawlgam sung mun tuamtuam ah X'tiante' leh a mun le a gam susia in a simmawh milimbia te hong om kiukiu cih ih theiciat hi. Milim biakna pen 95% hizenin biakna dang tuamtuamte gentham hiaulo mawk hi. Tua kawmkal ah Oct. 5 ni-in, Biakna le Mite Kepcingna By Law khat milimbiate in kipsakna ngah uh hi.
1953-54 kumsung Milim Biakna Kawlgambup Biakna suahsak ding na hanciam ngeikhin uh aa Parliman ah By law ngenin, a ki linglawng didek ngeikhin ahi hi.
Tu in, By law thakkhat kipsak zota uh aih leh lawmte'n bangteng tawh maban hong zomtam uh, lungdam huai lualo kha ding hi. Kawlgam pen, Milim Biakna Official Religion in anei ahi Iran, Pakistan, Malaysia cihte' sangin hong suksiazawlo ding, kici theilo hi.
1917 kumin Rusia ah Revolution nasia takkhat hong piang ngei hi. `October Revolution´ ci-in, tangthu in kisin lai hi. Tua pen Leninte makai-in Communist aphuhna hangun hong piang buaina ahi hi. Kumpite that in Czarte dongin vatmai hi. Biakinnte susia in thu-um mi a lomlom in that ziahziah uh hi. Leninte lawhcing tektek uh aa, thakhat thu in gam 15 bangh Communist gam suaksak zo pah uh hi.
Hih thu in Europe sung hong lawh takciang, Italy gam Rom khua hong linglawng sim hi. Vatican a Pop le Bishopte makai-in, thuzui mite tawh Anti-Communist Movement khat hong phuangkhia giap uh hi.
Hong hanciam uh aa, 1919 kum ciang Christian Democratic Party phuankhia in, a lawhcing pen leh a gualzo pen khat hong suak uh banah Communist te nungkhinsak zo giap uh hi.
Tua mah bangin Germany ah zong Dr. Konrad Hermann Josef Adenauer makai-in Christian Democratic Union (CDU) phuankhia uh aa, hong hanciam in NAZI supai banah Germany daisak kik zo hi.
A zenzenin tua Party te Pasian' nasem te'n na phuankhia uh hikeileh, tu-in bang a suaktam!
Ei zomite zong kithawi huai mahmah ta kasa hi. A diakdiak in, Pasian' thu-umte, ih mite, ih gam ih lei kemin zuntoh ding hunta-a, tua munah Pasian' nasemte kihelloh phamawh khat ahi hi.
Zomite tulaitak dinmun ah ih omna pen Pasian nasemte' hang ahi hi. Ih siatna tampi a om bangin, hoihna zongh honpi khat mah om veve hi. Karl Max in `Mipi' lungsim a zo penpen in Biakna Vai´ acih bangin Biakna Vai-in hong lokzo pen ahi hi. Tua hangin Pasian' nasemte phamawh hi.
Pasian' nasemte'n Naingnganzi seploh ding danin a ngaihsun tampi a om phial zong, Naingnganzi sa'ng a thupi zaw Pasian nasepna bang omnawn ding ahiam!
Khialhna sate tungtawnin pilna la in khatvei mainawtkik ding hun hita hi.
Tua bang hunsung ah Social Justic le Social Welfare te thupi ngaihsut penin nei-in, nang tua mi, ko hia minam...etc. cihte pawl beisak in, Biakna dung zui-in ki zunto thei hileeng, zogam zomi te'n ih tuptup lawhcinna bucing a kingah baih pen khatam cih, tusung ka sunmang teng hong luikhia dihdih ka hih hi.
Tua bang hunsung ah Social Justic le Social Welfare te thupi ngaihsut penin nei-in, nang tua mi, ko hia minam...etc. cihte pawl beisak in, Biakna dung zui-in ki zunto thei hileeng, zogam zomi te'n ih tuptup lawhcinna bucing a kingah baih pen khatam cih, tusung ka sunmang teng hong luikhia dihdih ka hih hi.
0 coment�rios:
Post a Comment